لاتكسرين القلب " بس العبي به "

روحك غريبة في جسد يجمع أغراب
حتى المشاعر في فؤادك غريبة

لاعشتك بدفتر ولاضمك كتاب
وعمره خيالي ماسريتي بغيبه

إن قلت حلم/ قالت العين كذاب
وإن قلت علم/ كيف لي وألتقي به

كنك سرابة تفترش أرض ألاهداب
وإلا سحابة صيف يضمي لهيبه

في عينك اليمنى تراحيب وأعجاب
وفي عينك اليسرى تردد وريبه

وفي مبسمك عنقود الأفراح لي طاب
وفي زفرة إحساسك معاني كئيبة

لك دمعةٍ لاجت على الخد تنساب
تجرح ورود الشوك وتثير طيبه

مرات أعيشك طهر طاعة ومحراب
ومرات أعيشك نفث نفسٍ مريبة

بيني وبينك والرضا همس وعتاب
همسة تقفي به وهمسة تجيبه

كنت احسب أني لك عوض كل الأحباب
حتى شعرت أني لك أكبر مصيبة

فأعتادني(هذا بلى ابوك ياعقاب)
لاقيل لي حلم إنسكب وش تبي به

قلت الهوى كالموت مايعرف اسباب
ياطا على كبود الخلايق غصيبة

لا واهني اللي ليا خافقه ذاب
يقدر على خافق خويه يذيبه

وألا ليا منه قفل دونه الباب
يقفل بعد بابه ويرضى نصيبه

لاتنقضين الجرح والجرح ماطاب
لاتكسرين القلب بس العبي به

ـــــــــــــــــــــــــــــــــــــــــــــــــــــــــــــــــــــــــــــــــــــــــ

يسلموا حبيبتي عاد امنا احب الخواطر والشعر

رووووووووووووعهـ .. بجد ..

يسلموووووو ع الطرح النايس ..

دمتى .. يالغلا

نور الموضوع بتوآجدكم ..
يسلموووو ع المرور

» محد يششق القلب ........... شعر