[ندعوك للتسجيل في المنتدى أو التعريف بنفسك لمعاينة هذا الرابط] المهم خلاونه في المهم
اليوم جايبه لكم قصه رهيب بس اللي يخافون لايدخلون
بلا نبدا
. .
.
.
بدايتقرأتم العنوان ورأيت استغرابكم للعنوان لم اتفاجأ لاني كنت متوقعا ردت الفعل لديكم
ولكن عندما نذهب الى ارض الواقع نرى ان ((بيت بوسحبل)) موجود في محافظة الاحساء وبالتحديد في حي النزهة
و((بيت بوسحبل)) موجود وهذا البيت مهجور وكثيرا مانسمع عنة بأنة مسكون وان هناك قصص حدثت في هذا البيت
وهناك من يصدق بهذه القصص وهناك من يقول بأنة لايوجد شي في هذا المنزل
ولكن يجب علينا ان نأخذ الحيطة ونحذر من هذه البيوت المهجورة لانها دائما تكون بالفعل مسكونة
البداية
(راشد . رضا . مصطفى . عبدالله . حسين . اسامة . علي) هؤلاء اصدقاء منذ الطفولة ولم يستطع الزمن ان يفرق بنهم
لمتانة صداقتهم ومحبتهم لبعض .
ولكن عندما نضجو هؤلاء الشباب افترقو البعض يدرس بالخارج والبعض يعمل والخ . . . . .
ولكن هناك عادة لديهم ومازالو يمارسون عادتهم الى الان وهي التجمع كل ليلة خميس في بيت (اسامة) وامضاء هذه الليلة بالمرح والضحك الى الصباح.
(بيت اسامة)
اسامة: يالله يالله قبل لايجون ويشوفون المجلس معفووووس
ولحظات واذا بالجرس يقرع ويخرج اسامة ليرى من القادم واذا بـ (مصطفى)
مصطفى: هلااااااااا واااااااالله بالخوي كيف الحال وش العلوم
اسامة: هلا بك انت ومرحبا تمام والحمد لله طولت الغيبة وين الخرفان
مصطفى: ههههههههههههه في الطريق , وين الشعب ما اشوف احد ؟
اسامة: تو الناس بدري الحين الساعة 9.30 على الـ 10.00 يجونك لا تستعجل
مصطفى: خلاص بروح الحين اجيب بوعابد وارجعلك جهز الجلسة بالعدة ولاتنسى الورقة (الزنجفة)
اسامة: اوكيك ابشر على ما تجون كل شي بيصير جاهز.
وبعد مضي ربع ساعة يأتي راشد وعلي الى بيت اسامة لبدأ السهرة المعتادة كل ليلة خميس في بيت (اسامة)
راشد: السلام عليكم كيف الحال وش الاخبار؟
اسامة: وعليكم السلام والرحمة هلا والله وغلا ترتوب انت الي وينك اول امس دقيت عليك مارديت علي؟
راشد: الظاهر ماعندك سرير ومخدة ولحاف حق النوم ياخوك بعض الاحيان يصير النوم حلوووووو بالمرة
اسامة: هههههههههههههههههههه الله يقطع شرك
علي: اقول سلامات الظاهر انا صاير قوطي بيبسي من سنة الطفرة مو معطيني وجه.
اسامة و راشد يضحكان على مقولة علي
ولحظات اخرى واذا ببقية الاصدقاء جميعا وصلوا الى بيت (اسامة) لبدأ (السهرة)
مصطفى: اوووووووووو كل الشعب موجودين اجل سهرتنا الليلة صباحي
يرد عليه (رضا) قائلا: وش عنده دعاية فنون سهرتنا صباحي
وبدأت الاحاديث والدعابات في هذه الليلة ونرى حسين يسأل راشد عن اخر مستجداته في الدراسة الجامعية قائلا.
حسين: ها بو رشوود يا انشتاين على غفلة وش اخبار الدراسة ؟
راشد: آآآآآآآآآآآآآآآآآآآه تعب وشقى الي يشوفني يقول يا بوظفونة وزير ولا بيصير عالم من العلماء يبن الحلال
الحمد لله على كل حال .
حسين: هههههههههههههه في هذي صدقت.
وبينما هم كذالك بالمرح والاحاديث وقف (مصطفى) بينهم قائلا:
مصطفى: أما الان اعزائي وأصدقائي تبدأ السهرة الحقيقية لهذه الليلة!!
وظهرت علامات الاستغراب والاستعجاب لدى الاصدقاء؟!
اسامة: ؟؟؟؟؟!!!!!! وشوو؟
مصطفى: جايب لكم فلم إنما ايه وحدة بوحدة
راشد مستهزءا: وشو توم وجيري في المقبرة
مصطفى: ههههههههههههههههههههه لا لا توني منزل فلم رعب بس عن جد رعب رعب وقلت الليلة لازم نرعب روحنا شوي
رضا: أقول ما فيني شدة تخرع الليلة
ضحك الجميع لمقولة رضا واذا بـ اسامة مسرعا:
اسامة: اقول ثواني اجيب الحب والمكسرات وراجع لاتبدون الى الين ارجع
حسين: يالله يالله خلونا نشوف منو الي ماراح ينام الليلة عدل هووووووو هيييييييهووووووو>>>> يبي يخرعهم عبارة
عبدالله: شوي شوي يا كاسبر لاتخرع الممثلين بهالتخرع
مصطفى: بتقعدون تبربرون ولا نشوف الفلم؟
قائلين بصوت واحد ( هييييييييييييييييييييييييييييييييييييييييياااا)
ولحظات واذا بالانوار والاضاءات تطفأ ويشاهدون الفلم في العتمة والظلمة . ولكن (رضا) قلبه ضعيف ولايستطيع
ان يتحمل افلام الرعب واثناء مشاهدة اصحابه الفلم وهو يحاول عدم المشاهدة انتبه له (راشد) وفجأة؟
اتى (راشد) من خلف (رضا) وبحركة (راشد) المعتادة لـ(رضا)
راشد: بووووووووووووووووووووووووووووووووووووووووووووووو
رضا: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآه يمآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآ
ضحك الجميع على (رضا) وحركة (راشد) له وأكملو مشاهدة الفلم الى نهايته .
مصطفى: ها ابو الروووض وش فيك تبي امك هههههههههههه
رضا: انتو ما ينشاف وياكم شي ابد
راشد: امزح عليك وش فيك يالخوي
اسامة: اقول بورشود انت ما تجوز عن سوالفك هههههههههههههه
(حسين و عبدالله) يتحدثان في ما بينهم واذا فجأة !
جلس راشد بجانبهم قائلا:
راشد: ها وش تقرقرون عليه؟؟؟
عبدالله: هههههههههه لا ابد ولاشي سلامتك بس نسووولف تعرف
راشد: اي خلوني وياكم في السالفة ولا ممنوع؟
حسين: ههههههههههههه لا ممنوع ولا شي اقلط
راشد: اي ويش تسالفون عنه؟
حسين ابد قاعد اتكلم ويا بوعابد عن (البيت المسكون) الي في النزهة الي يسمونة (((بيت بوسحبل)))
راشد: (((بيت بوسحبل))) ؟؟؟؟ اااااااااهااااااااا بس بس عرفته وانتوا مصدقين انه مسكوون ؟
حسين: وليه انت ما تصدق انه هالبيت مسكووون؟
انتبه مصطفى الى ( حسين و عبدالله و راشد) وذهب اليهم قائلا:
مصطفى: مسكووووووون وبكم اجاااره
ضحك حسين قائلا : بريال جيب عفشك واسكن
دعا (راشد) اصحابة الى الحضور ومناقشة هذا الموضوع الذي يدور حول قصة البيت المسكون ((( بيت بوسحبل )))
اسامة: انا عن نفسي اصدق ليه ما اصدق
رضا: وانتوا الليلة مجتمعين حق التخرع بس ماعندكم شي تسووونة الليلة قفلو السالفة ترى انا ما احب هالسوالف
مصطفى: ههههههههههه قوي قلبك مع ديو
حسين: بس الصراحة البيت هذا شي غريب عجيب !!!!!
عبدالله: اي والله
راشد: بس عاد مو كل شي يتصدق؟
اسامة: لا ياراشد انا هالبيت سمعت عنه سوالف كثيرة وراح اقولك سالفة عنه واسمع وانت احكم؟
اراد اسامة ان يخبر راشد عن بعض القصص التي دارت في (( بيت بوسحبل )) لعدم تصديق راشد لهذا المنزل المخيف
راشد: يالله اطربنا
اسامة: هذا يقولك الله يسلمك ان هالبيت راعية وحداني ومو متزوج وفي نفس الوقت يحب الاولاد كثير بس الله ما وفقه
بالنصيب وهو مقطوع من شجرة ماله احد بالدنيا وهالبيت كبير وتصميمة غريب عجيب تخيلو ان بالدور الثاني فيه بركة كبيرة
لا حظو معي الدور الثاني وحوالين البركة غرف كثار وكبار وكل غرفة تقول الزود عندي.
اما الدور الارضي فيه غرف كبار وكل غرفة جنبها نص غرفة وكبيرة !
مصطفى: نص غرفة؟
اسامة: اي نص غرفة وكبيرة بعد
رضا وهو مستغرب جدا
رضا: اقول النص غرفة هذي ليش؟
راشد: هذي على شان اوديك اهناك واربطك واخليك تبنبع كنك خروف
ضحك الجميع لما قاله راشد لرضا ولكن رضا غضب وقال لراشد.
رضا: يعني اللحين بتسوي فيها بطل لو فيك خير انت روح اهناك وراوينا شجاعتك
راشد: ما يحتاج اوريك شجاعتي
اسامة يقاطعهم قائلا
اسامة: طيب اكمل ولا لا
مصطفى: كمل كمل وياك
اسامة: المهم ومن بعد ما مات الرجال . ابد ضل البيت اسنين تصدقون البيت كان فيه اثاث وفيه حرامية. تعرف الكل يبي
ياخذ الي بالبيت بس يقولك كل ما حملو الأثاث في السيارة , السيارة تطفي وما تشتغل .
واذا نزلو الأثاث من السيارة اشتغلت وتموا على هالحال الين حسو انه في شي غريب ويخلون كل شي
وحط رجلك ياللي ما تحط رجلك
وبعد ازيدكم من الشعر بيت وهذا يقولكم في شايب كل يوم قبل صلاة الفجر قبل لا يأذن اذا جى يروح المسجد
يشوف واحد واقف بالنافذة الي بالدور الثاني !!!!!!!!!!!
استغرب الجميع مما سمعوه ولكن اسامة قاطع استغرابهم قائلا
اسامة: ويقولكم بعد انه هالبيت فيه شي غريب عجيب؟
رضا: وشووو؟
اسامة: هذا الله يسلمك في يوم من الايام في ناس عزمو الصباح يشوفون البيت ودخلو البيت ولكن شافو شي غريب؟
حسين: وشو ؟
راشد مستهزءا: اكيد جثة لها مليون سنة
مصطفى: راشد لا تطنز في هالامور
راشد: والله انكم خراخيش>>>> يعني عقولهم صغار
كل شي بتصدقوووووونه والله حالة
اسامة: طيب يا رامبو اكمل ولا لا
راشد: كمل يالله واسفين على مقاطعة المحاضرة
اسامة: عرفتوا يقولك يوم ادخلو شافو السقف بس , بس السقف محترق . والجدران ما جالهم شي ؟
ما تحسون انه شي غريب ؟
رضا: اي والله كيف هذي بعد بس السقف محترق؟
عبد الله مازحا مع رضا قائلا
عبدالله: ها ابو الروض ما ودك تروح اسبوع الجاي اخر الليل وندخل ؟
ارتعش رضا خوفا من كلام عبدالله وكلمة الذهاب الى هناك بالذات قائلا لعبدالله
رضا:ها ؟ ها ؟ لا لا انا اصلا مشغول اسبوع الجاي ما اتوقع اجي يمكم اصلا
عبدالله: لا تصير جبان ابو الروض شفيك كله خايف خايف مو رجال انت ؟
عبدالله يحاول فقط استفزاز رضا مازحا
رضا: انا رجال وارجل منك بس ؟ بس من خاف سلم
ضحك عبدالله ولكن راشد لم يصدق شيء والمعروف عن راشد انه جريء جدا ولا يخاف وعندما سمع ماقاله عبدالله
لرضا بشأن الذهاب اخذه الحماس والجدية واراد الذهاب ورؤية هذا البيت وقال
راشد: تصدق بو عابد انك جبتها؟ طيب شرايكم نروح هناك ونشوف الكلام اللي تقولة صدق ولا كذب؟
اسامة: راشد انت جنيت من صجك تبي تروح؟ وعلى العموم مو انا الي جايب الكلام من عندي الناس كلها تتكلم عن
موضوع هالبيت .
وأزيدك من الشعر بيت بعض البيوت والاماكن المسكونة اذا دخلت يمكن تطلع ويمكن لا ؟
ضحك راشد بشدة لما سمعة وقال
راشد: يمه! يمه! تصدق من الخوف ودي اتلحف واجلس جنبك هههههههههه
قم بس قم على العموم انتوا فكرو بالموضوع واسبوع الجاي نطلع ونخليها تصير طلعة مميزة. كل مرة في البيت عندكم
خلها تكون كشتتنا في هالبيت المسكون على قولتك (( بيت بوسحبل ))
رضا: على العموم انا ماشي
خرج رضا من منزل اسامة ولكن السهرة لم تنتهي واصبحت هناك مناقشات حادة على موضوع
المنزل المسكون (بيت بوسحبل)
وفي النهاية قررو بالذهاب الى هذا البيت وقررو ايضا بإصطحاب رضا معهم لانهم يريدون ان يبعدو عنه حالة الجبن والخوف
وفي النهاية قال راشد
راشد: انا اجيب رضا خلوووووووووه علي
وعندما انصرفو بقية الشباب بقى مصطفى واسامة يتسائلون ؟
مصطفى: من صجك احنا وافقنا نروح ويا راشد البيت هذا ؟
اسامة: هههههههه شفيك خفت؟ يبن الحلا قو ي ايمانك بالله وخل عنتر (يقصد راشد) يقتنع
مصطفى: تصدق انا مو متطمن حق هالروحه الله يستر؟
اسامة: حتى انا ما ادري ليه مو مرتاح؟
وقال اسامة وهو ضاحكا
اسامة: يمكن ترى ما نرجع ههههههههههه
ضحك مصطفى لما سمعه وانصرفو ا عندما
ترى هذا الججزء الاول ......... يمي
[ندعوك للتسجيل في المنتدى أو التعريف بنفسك لمعاينة هذا الرابط] ابغى اردوووود
